அண்மைக் காலமாக விவாதப் பொருளாக மாறியுள்ள "புத்தகத் தடுப்பு - எழுத்துச் சுதந்திரம் - பதிப்பக வியூகம் - அரசியல் பின்னணிகள்"

 தோறை’யை முன்வைத்துத் தமிழ்நாட்டுப் பதிப்பகங்களது வியாபார உத்தியும்  , ஈழத்து இலக்கியச் சூழலும் : அண்மைக் காலமாக விவாதப் பொருளாக மாறியுள்ள "புத்தகத் தடுப்பு - எழுத்துச் சுதந்திரம் - பதிப்பக வியூகம் - அரசியல் பின்னணிகள்" என்ற பன்முகப் பரிமாணங்களைக் கேள்விக்கு உட்படுத்துக ! —சிறு , நோக்கு 

—ப.வி.ஶ்ரீரங்கன் 

ஈழத்து இலக்கியவெளியும் புத்தகத் தடுப்புகளும்: கருத்துச் சுதந்திரம், அடையாள அரசியலும் பின்னணி நலன்களும் குறித்த கேள்விகள் -இன்றி, இராதே , எழுதாதே ; இயங்காதே ; சூனியம் வைப்பார் , சுதி கேட்பார் ! 

இலங்கைச் சுங்கத் திணைக்களத்தால் ஈழத்தமிழ் எழுத்தாளர்களின் நூல்கள் தடுத்து வைக்கப்படுவது குறித்து அண்மையில் வெளியாகியுள்ள கூட்டறிக்கையும், அதைச் சுற்றி எழும் விவாதங்களும் ஈழத்து இலக்கியச் சூழலில் முக்கியமான பல கேள்விகளை எழுப்பியுள்ளன. 

ஒருபுறம் , அரசின் தணிக்கையும் கருத்துச் சுதந்திர முடக்கமும்  என்ற தளத்திலும், மறுபுறம், இதன் பின்னணியில் உள்ள அடையாள அரசியல், வணிக உத்திகளும்  எழுத்தாளர்களின் அரசியல் முன்னொட்டுகள் சார்ந்த விமர்சனத் தளத்திலும் விவாதங்கள் கூர்மையடைந்துள்ளன.

நிலவும் அரசின் தணிக்கை நடைமுறையும் சுங்கத் தடுப்பும்

இலங்கைச் சுங்கத் திணைக்களத்தினால் 'தோறை', 'எழுத்தால் நான் யுத்தம் செய்கிறேன்' உள்ளிட்ட நூல்கள் தடுத்து வைக்கப்பட்டுப் பாதுகாப்பு அமைச்சுக்கு அனுப்பப்படுவதன் நடைமுறைச் சிக்கல்கள் தெளிவானவை:

அ ) : அதிகாரப்பூர்வத் தடையின்மை: 

நூல்களை வெளிப்படையாகச் சட்டப்பூர்வமாகத் தடை செய்யாமல், சுங்கத்துறையிலேயே காலவரையறையின்றித் தடுத்து வைப்பது (Detention) நிர்வாக ரீதியிலான ஒரு சாம்பல் வலயத்தை (Grey Area) உருவாக்குகிறது.

இங்கே , இந்த அடிப்படையைப் புரிந்தால் , இந்தத் தடுப்புக்கும் , ஊழல் சுங்கத் தொழிலாளர்களது வருவாய்க்கும் தொடர்புண்டா அல்லது , நூற்பதித்து விற்கும் வியாபாரிகளுக்கும் சுங்கத் தடுப்புக்கும் உள்ளகத் தொடர்புகள் , சந்தை உத்திகள் உண்டா ? 

ஆ) : மேன்முறையீட்டுச் சுதந்திரமின்மை: 

ஒரு புத்தகம் உத்தியோகபூர்வமாகத் தடை செய்யப்பட்டால் மட்டுமே அதற்கு எதிராக நீதிமன்றங்களை நாட முடியும். ஆனால் , தடுத்து வைப்பு என்ற பெயரில்  வியாபார உத்திக்கான காலந்தாழ்த்தப்படுவது “தடை” என்று கூக்குரலிட்டுப் பதிப்பகம் -எழுத்தாளர்கள் கூட்டுக் களவாணி வியார உத்தியாகிறது . இதற்குச் சட்ட ரீதியான நிவாரணம் பெறுவது போன்ற முலாம் பூசும் கட்டுரை ஆயிரம் எழுதி விளம்பரம் வேறு ; அறிக்கைகள் வேறு ! 

இ) : பதிப்பக வியூகங்களும் உணர்ச்சிப்பூர்வச் சந்தைப்படுத்தலும் :

உண்மையில் நிலவும் அரசினால் நூற்கள் தடை செய்யப்படுமாயின்  அந் நடவடிக்கையை வலுவாகத் தயவு தாட்சண்யம் இன்றி , நாம் கண்டிக்கும் அதேவேளையில், இத்தகைய சூழல்கள் பதிப்பகங்களாலும் சில எழுத்தாளர்களாலும் எவ்வாறு பயன்படுத்திக் கொள்ளப்படுகின்றன என்பதும் ஆய்வுக்குரியது ! 

இதுகுறித்து , நான் சில விடயங்களை சந்தைப்படுத்துலும் , விநியோகச் சுற்றோடமுஞ் சார்ந்து உங்களுக்குச் சுட்டிக் காட்டுகிறேன் . அன்றாடம் , நான் பார்க்கும் தொழிலில் இந்தச் சந்தைப்படுத்தலும் விநியோகமும் (Just-in-time) நேரகாலத்தோடு அண்மித்த விளம்பரத்தின் உத்தியில் ஓர் அசைக்க முடியாத பருப்பொருள் . ஆகவே , சந்தைப்படுத்தலும் , விநியோகமுஞ் சார்ந்து முதலிற் கீழே தருகிறேன் . அப்போதுதாம் , நம் ஈழத்துபோர் இழக்கியவாதிகளையும் , அவர்களது கம்பனிகளான சோபாசக்தி & கருணாகரன் குறுப்பை நன்றாக இனம் காண முடியும் . 

சந்தைப்படுத்தலும் வியூகமும் , வணிக வெற்றியின் இரட்டைக் கண்கள் நண்பர்களே ! 

ஒரு வணிகத்தின் நீண்டகால வெற்றிக்கும் வளர்ச்சிக்கும் அடிப்படையாக விளங்குபவை வியூகமும் (Strategy) சந்தைப்படுத்தலும் (Marketing) ஆகும். எளிய மொழியில் கூறின், வியூகம் என்பது இலக்கை அடைவதற்கான 'திட்டம்' (Plan); சந்தைப்படுத்தல் என்பது அந்தத் திட்டத்தைச் செயல்படுத்தும் 'செயல்பாடு' (Action). இவ்விரண்டும் ஒன்றோடொன்று பிணைந்தவை.இதைப் பல்கலைக் கழகங்களுக்குள் வைத்துக் கற்றவர்கள் , யாழ்ப்பாணத்தில் வர்த்தகவியல் துறைசார் மாணவர்கள் . இவர்களை வீதிகள் தோறும் யாழ்ப்பணத்தில் கண்டிருப்பீர்கள் ; புதிய பொருட்களை விளக்கி உங்கள் மூளையைக் கழுவிக்கொட்டுவார்கள் . 

அஃதென்ன பெரிய வியூகம் (Strategy) ?; இலக்கை நோக்கிய திசைகாட்டி…? 

வியூகம் என்பது ஒரு நிறுவனம் சந்தையில் இருக்கும் போட்டிகளைச் சமாளித்து, தனது நீண்டகால இலக்குகளை அடைவதற்காக வகுக்கும் முன்னோக்குத் திட்டம் என்று வரையாறுக்கலாம் . 

இஃது, ஓர்  நிறுவனத்தின் அல்லது பதிப்பகத்தின் பலத்மையும் பலவீனங்களையும் ஆராய்ந்து உருவாக்கப்படுகிறது.

"நாம் எங்கு செல்ல வேண்டும்? ; ஏன் செல்ல வேண்டும்?" என்ற கேள்விகளுக்கு வியூகம் விடையளிக்கிறது.

சந்தையில் மற்ற நிறுவனங்களை விட நம்மைத் தனித்துக்காட்டும் தனித்துவமான சிறப்பை (Competitive Advantage) இது தீர்மானிக்கிறது.

கூவிக் கூவி விற்கும் தெருவோர வியாபாரியும் , சந்தைப்படுத்தல் (Marketing) செய்யும் எளிய மனிதனே . இது  என்ன உள்ளடக்கம் ? : திட்டத்தை மக்களிடம் சேர்க்கும் பாலம் இந்தக் கூவலில் உண்டெல்லோ ? 

ஒரு நிறுவனத்தின் தயாரிப்பு அல்லது, சேவையை இலக்கு வாடிக்கையாளர்களுக்குத் தெரியப்படுத்தி, அவர்களை வாங்கத் தூண்டும் அனைத்து செயல்பாடுகளும் சந்தைப்படுத்தல் எனப்படும்.

இது , தயாரிப்பு (Product), விலை (Price), இடம் (Place), மேம்படுத்துதல் (Promotion) ஆகிய நான்கு முக்கியக் கூறுகளைக் கொண்டது.

"வாடிக்கையாளர்களை எப்படிச் சென்றடைவது? விற்பனையை எவ்வாறு பெருக்குவது?" என்ற கேள்விக்கு இது விடையளிக்கிறது.

விளம்பரம், சமூக ஊடகப் பயன்பாடும் வாடிக்கையாளர் உறவுமுறையும் இதன் முக்கியப் பணிகளாகும்.

இவ்விரண்டின் இணைப்பு (Marketing Strategy)

திட்டமிடல் (வியூகம்) இல்லாத செயல்பாடு (சந்தைப்படுத்தல்) நஷ்டத்தை ஏற்படுத்தும்; அதேபோல், செயல்பாடு இல்லாத திட்டம் வெறும் காகிதமாகவே மிஞ்சும். வியூகம் என்பது இலக்கைத் தீர்மானிக்கும் 'மூளை' என்றால், சந்தைப்படுத்தல் என்பது அந்த இலக்கை நோக்கி ஓடும் 'கால்கள்' ஆகும். இங்கே , புத்தகத் தடை விளம்பரங்களை உற்று நோக்குக !

எந்த வணிகம் சந்தையில் நிலைத்து நிற்க முறையான-முறைகேடான வியூகமும், அதை மக்களிடம் கொண்டு சேர்க்கும் எந்த அதிவுபூர்வமான அல்லது , ஆக்கப்பூர்வமான சந்தைப்படுத்தலும் மிக அவசியம். இவ்விரண்டையும் சரியாக இணைக்கும் நிறுவனங்களே சந்தையில் முதலிடத்தைப் பிடிக்கின்றன.நம்ம ஈழத்துப் படைப்பாளிகள் இதுள் கில்லாடிகள் ; இவர்களின் எஜமானர்கள் இயமனுக்கு இடியப்பம் தீத்துவார்கள் ! 

இனி , மேற்கொண்டு , நாவற்றடை எனும் சந்தை இலையானின் இரைச்சலைப் பார்ப்போம் !

சர்ச்சைசார் விற்பனை (Controversy Marketing): "அரசாங்கத்தால் தடுக்கப்பட்ட நூல்" என்ற லேபிள் சர்வதேச அளவிலும், குறிப்பாகப் புலம்பெயர் தமிழ் சமூக மத்தியிலும் அந்நூல்கள் மீதான ஆர்வத்தை கணிசமாக உயர்த்துகிறது.

இங்கே , அடையாள அரசியல் (Identity Politics): 

முள்ளிவாய்க்கால் அழிவுப்போருக்குப் பிந்தைய தளத்தில் ஈழத்தமிழரின் அழிவுகளையும் அடக்குமுறைகளையும் மையமாகக் கொண்டு உருவாக்கப்படும் நூல்கள், சில வேளைகளில் இலக்கியத் தரத்தையும் தாண்டி உணர்ச்சிப்பூர்வமான வணிகப் பண்டமாக மாறுகின்றன.இவை , ரமில்நாட்டு டமில் பீப்பாக்களுக்கான ஓர் அவியல் , துவையல் . உள்ளே இருப்பது குருதியும் , சீழுந்தாம் !

ஈ) : எழுத்தாளர்களின் பின்னணிகளும் , அரசியல் சந்தேகங்களும்  

ஈழத்துச் சூழலில் இயங்கும் எழுத்தாளர்களும் ஊடகவியலாளர்களும் மீதான அரசியல் விமர்சனங்கள் என் விவாதங்களின் முக்கிய பகுதியாகும் தோழர்களே : 

அரசியல் நிலைப் பாடுகள்: விடுதலைப் புலிகள் இயக்கத்தின் முன்னாள் உறுப்பினர்கள், புலம்பெயர் எழுத்தாளர்களும் விமர்சகர்களும்  (எ.கா: தீபச்செல்வன், குழந்தைப் போராளி ஷோபாசக்தி, சிவராசா கருணாகரன் , நிலாந்தன் , சயந்தன் என ஒவ்வொருவரும் வௌ்வேறு அரசியல் கோட்பாட்டு நிலைகளைக் கொண்டவர்கள்.

வல்லரசுகளும் லொபிக் குழுக்களும் (Lobby) சார்ந்த குற்றச்சாட்டுகள்: தென்னாசியப் பிராந்திய அரசியலில் இந்தியா உள்ளிட்ட அயல்நாடுகளின் செல்வாக்கு நிலவும் சூழலில், ஊடகவியலாளர்களும் , எழுத்தாளர்களும் வெவ்வேறு வெளிநாட்டு நலன்களுக்காக அல்லது, லொபிகளுக்காக இயங்குகிறார்கள் என்ற சந்தேகங்களும் குற்றச்சாட்டுகளும் பொதுவெளியிலும் அரசியல் தளத்திலும் தொடர்ந்து முன்வைக்கப்படுகின்றன. இவை உத்தியோகபூர்வ ஆதாரங்களாக நிறுவப்படாவிட்டாலும், சமூக உரையாடல்களில் செல்வாக்குச் செலுத்தும் கூறுகளாக இருக்கின்றன.

இலங்கையில் நூல்கள் தடுத்து வைக்கப்படும் விவகாரம் என்பது வெறும் "அரசின் அடக்குமுறை vs எழுத்தாளரின் சுதந்திரம்" என்ற இருமுனைப் பிரச்சனை மட்டுமல்ல. அதற்குள்:

 1. அரசின் வெளிப்படைத்தன்மையற்ற தணிக்கையும் நிர்வாக அலட்சியமும் எனும் பூச்சாண்டி ,

 2. பதிப்பகங்கள் மற்றும் எழுத்தாளர்களின் சந்தைப்படுத்தல் வியூகங்கள்,

 3. எழுத்தாளர்களின் அரசியல் பின்னணிகள் குறித்த சந்தேகங்கள் மற்றும் விமர்சனங்கள்

ஆகிய மூன்றும் பிணைந்துள்ளன. 

கருத்துச் சுதந்திரத்தைப் பாதுகாப்பதும் அதேவேளையில் இலக்கியச் சூழலில் எழும் வணிக-அரசியல் போக்குகளை விமரிசனக் கண்ணோட்டத்துடன் அணுகுவதும் ஆரோக்கியமான இலக்கியச் சூழலுக்கு அவசியமானதாகும்.

ஈழத்து இலக்கியச் சூழலில் புலம்பெயர் இலக்கியவாதிகள், உள்ளூர் எழுத்தாளர்கள் ,  ஊடகவியலாளர்களின் அரசியல் பின்னணிகள் குறித்தும், அவர்களின் தொடர்புகள் குறித்தும் இத்தகைய விமர்சனங்களும் சந்தேகங்களும் தொடர்ந்து எழுப்பப்பட்டு விவாதிக்கவேண்டும் . 

முறையான ஆதாரங்கள் வெளிப்படையாக இல்லை என்றாலும், அரசியல் தளத்தில் இவ்வாறான குற்றச்சாட்டுகள் பரவலாக முன்வைக்கப்படுவதை அவதானிக்க முடிகிறது. எனவே , பாராமுகமாக இருந்து முள்ளிவாய்க்கால்வரை படுகொலை அரசியலை ஊக்கப்படுத்தியது போன்று இதுவும் ஆக்க்கூடாது நண்பர்களே —அவ்வளவுதாம் !

—ப.வி.ஶ்ரீரங்கன் 

25.10.2926