அகதி!

  1990’ஆம் ஆண்டு துன்பியலைத்     தாண்டி: தமிழ்–முஸ்லிம் நினைவிலிருந்து இலங்கை மக்களின் வர்க்க ஒற்றுமைக்கு வித்திடுவோம் ; வாருங்கள் !   — ப.வி. ஶ்ரீரங்கன் 1990’ஆண்டு ஒக்டோபரில் வடக்கிலிருந்து முஸ்லிம் மக்கள் வெளியேற்றப்பட்ட துயரம் , இலங்கையின் நவீன வரலாற்றில் அழிக்க முடியாத கறையாகவே இருக்கிறது. அஃது , ஒரு சாதாரண இடம்பெயர்வு அல்ல. ஆயுத அதிகாரத்தைத் தன் கையில் வைத்திருந்த ஒரு தமிழ் தேசியவாத இயக்கம், தன் கட்டுப்பாட்டிலிருந்த பிரதேசத்தில் வாழ்ந்த ஒரு முழு மக்கள்தொகையை/தேசிய இனத்தை அவர்களின் மத அடையாளத்தின் அடிப்படையில் அச்சுறுத்தி வெளியேற்றிய வரலாற்றுத் துன்பியல் அது. மனித உரிமை ஆவணங்கள் வட மாகாணத்தின் பல மாவட்டங்களிலிருந்தும் பல்லாயிரக்கணக்கான முஸ்லிம்கள் வெளியேற்றப்பட்டதையும், சிலருக்கு மிகக் குறுகிய கால அவகாசமே வழங்கப்பட்டதையும் பதிவு செய்கின்றன.  அவர்களின் வீடுகள், நிலங்கள், வாழ்வாதாரங்கள் அழிந்தன. பலர் புத்தளம் உள்ளிட்ட பகுதிகளில் நீண்டகால இடம்பெயர்வில் வாழ வேண்டிய நிலைக்குத் தள்ளப்பட்டனர். பின்னர் தங்கள் சொந்த நிலங்களுக்குத் திரும்பியவர்களுக்குக்கூட நில உரிமை, ...