கண்ணாறி நோக்கிக் கடுநகை செய்! கூட்டி நிற்போனும் கொடுத்து நிற்பாளும் சாத்தி நிற்கும் சடுதியுள் உறையும் குருதியுங் குடையுங் கொடுமையும் அறியா குப்புற வீழ்ந்து குழி தேடிய போதை மெல்லச் சுரக்கும் மோவாய் ஏந்தும் தேறாத தனையன் தெம்பு தேடித் தெருவெல்லாம் அலைந்து தேகச் சுவையுள் கூத்தாடிக் களைத்து மோதலுங் காதலுங் கடந்துபோனவொரு திசையில் மாற்றமொன்று மெளனத் திரையில் மகிழ்ச்சியாய் இருப்பது மனதில் வெருட்சியாய்... கண்ணும் தெரியா ஒரு மண்ணும் புரியா உள் நின்று அவிக்கும் உயிரை உருக்கும் காமத் தலையுள் சாதல் வலுக்கும் சறுக்கும் தரணங்கள் தாள்களைக் கொல்லும் நொருங்கிய உடலும் சிதறிய மனமும் செருப்பால் அடிக்கும் மூளையுள் உறைய பேதமைகொண்ட போதைப் பொருளாய் தொப்புள் தொடையுள் உதிரும் விழிகள் அறுவகை வழக்கும் அழிந்து விலகும் எத்தனையுடலும் என்னைத் தொலைக்கா ஏந்திய வேட்கையும் எரிந்து போகா இழப்பதும் சிதைவதும் சேர்ந்தே வர வர சிறுமைப் பொழுதாய்க் கணங்கள் தொலைய பித்தம் தலையைச் சுழற்றிக் கழற்றி பிடரியில் தட்டும் காமத்து மோகம் துக்கம் தொலையத் தெருவெல்லாம் புலம்பி தக்க பொழுதில் தான் அழியாதிருக்க தகமை சொல்லி தேற்றும் தோறணம் அறுந்து வ...
சிங்கள அரசு-புலிப் பாசிசம் குறித்த எதிர்க் கருத்தாடல்: அரசியல்/வரலாறு&இலக்கியம்/பொருளாதாரம்