தமிழ்ச் செல்வன் சிந்திய இரத்தத்திலிருந்து...

தமிழ்ச் செல்வன் சிந்திய இரத்தத்திலிருந்து இளைஞர்கள் அல்ல ஈக்களே தோன்றும்!



"மரணத்திற்குக் காத்திருக்கும்
எந்தன் சொற்கள் உண்மையே
வனத்தின் அழைப்பைத்தாண்டி
எந்தன் மரணம் எட்டுமா?
கொலைச் சூத்திரங்களை மட்டும்
உனக்குக் கற்பித்தவர்களிடம் சொல்
விண்டுரைக்க முடியா
மரணத்தின் விலையை
இனியும் தீர்மானிக்க வேண்டாம் என..." -அஸ்வகோஸ்.(வனத்தின் அழைப்பு,பக்கம்:64.)




"கரும்புலிகள்-
தமிழ்ச் செல்வன்கள்
மரணத்திலும்
மகிழ்வும்,
துக்கமும்
புலிகளுக்குள்."


இருபத்தியொரு போராளிகள் தம்மைத் தொலைத்துச் சில விமானங்களை அழித்தெரித்தபோது இனிப்பு வழங்கியும்,மகிழ்ந்தும் குதூகலித்த தமிழ்த் தேசிய மனதானது இன்று 02.11.2007 இல் அழுதுவடிகிறது.தமிழ்ச் செல்வன்"வீரச் சாவடைந்து"விட்டாராம்.இதன்பொருட்டு அழுது வடிகிறார்கள்.அன்று அநுராதபுரத் தாக்குதலை "வெற்றி"யாக முடிப்பதற்காகத் தம்மை இழந்து, கரும்புலிகள் செத்தேயாகவேண்டியிருந்தது.ஆனால்,இங்கே தமிழ்ச் செல்வன் வாழ்ந்தேயாக வேண்டும்!அவர்கள் செத்துத்தாம் மகிழ்வையும்,இவர்கள்(தமிழ்ச் செல்வன் வகையறாக்கள்) செத்துத்தாம் துக்கத்தையும் தமிழ்த் தேசிய மனதுக்கு ஏற்படுத்தியாக வேண்டிய மரமண்டைகளாகத் தமிழர்கள் உருவாகியது தற்செயலானதா?

இப்படி ஒரே நிகழ்வில் மகிழ்வையும்,துக்கத்தையும் கொண்டாடக்கூடியவர்கள் புலிகளும்,அவர்களது அநுதாபிகளும்தாம்.

எவன்ரா சொன்னான் கரும்புலிகள் செத்தே ஆகவேண்டுமென்று?

புலிக்கு வால் பிடிப்பவர்களிடம் இருபத்தியொரு கரும்புலிகளின் சாவைக் கண்டு மனம் வருந்திக் கருத்தாடிய அன்றைய தினத்தில்,"என்ன அண்ணே நீங்கள் இப்படி முட்டாளாக இருக்கிறீங்கள்?, அவர்கள் யாரு?கரும் புலிகள்!"என்றார்கள் சில புலி வால்கள்.அதாவது, கரும் புலிகள் என்பது... எப்போதோ செத்துவிட்டவர்கள்.அவர்கள் புதிதாகக் களத்தில் சாகவில்லை!செத்தே செயற்படுபவர்கள் என்றான், நான்கு பிள்ளைகளை ஜேர்மனியில் பெத்து வளர்த்து வரும் ஒரு கபோதி.இன்று, சு.ப.தமிழ்ச்செல்வனோடு இன்னும் நான்கு போராளிகள் கொல்லுப்பட்டுள்ளார்கள்.இது, எதனால்?

எதனால்?

எதனால்?

எதனால்?

பாழாய்ப் போனவர்களே சிந்தியுங்கள்!

இந்தப் புலிகள் செய்யும் போராட்டமென்பது அடிப்படையில் தவறானது.

இலங்கையின் ஆதிக்கத்தை உடைத்தெறியாது அதன் அரச ஜந்திரத்தின்மீது கைவைத்துக் கைவைத்து, அவர்களை வலுப்படுத்தி வந்தவர்கள் புலிகள்.இந்தப் போராட்டச் செல் நெறி தவறானதென்பதைப் பல பத்து ஆயிரம் தடவைகள் எவரெவரா உரைத்தாச்சு.இனியும,; நாமும் உரைப்பதற்கில்லை.போராட்டமென்றால் சும்மா,சும்மா சில இராணுவ முகாங்களைத் தகர்த்துவிட்டும்,சில விமானங்களை அழித்துவிட்டால் விடுதலை வந்துவிடுமெனக் கருதிய பித்தாலாட்டக்காராகளின் முகத்தில் ஓங்கியடித்துவரும் இலங்கை அரசஜந்திரம்,தனது முழுப்பலத்தையும் காட்டாது இருக்கும் சந்தர்ப்பங்களை இனியும் ஒதுக்கி வைப்பதற்கில்லையெனச் சொல்லும் குண்டுதாக்குதலைச் செய்யும்போது,அதிலிருந்து தம்மையே பாதுகாக்க முடியாதவர்கள், தமிழ்பேசும் மக்களுக்குப் பாதுகாப்பு அரணாக இருப்பார்களாம்.

பாவிகள்,
கொடும்பாவிகள்,
யாரூ?
மக்கள்தாம்!


அவர்களே தமது வாழ்வாதாரத்தையும்,தங்கள் உயிர்களையும் அர்ப்பணித்து இந்தப் போராளிகளையும்,அவர்களின் போராட்டத்தையும் காத்து வந்தார்கள்.விரும்பியோ,விரும்பாமலோ இதை அவர்கள் சாத்தியப்படுத்தவேண்டிய கடப்பாட்டில் இருந்தார்கள்.இன்றோ, அந்த மக்களையே வேட்டையாடிய புலிகளின் போராட்ட முறைமை, தொடர் தோல்வியில் தமது பெரும் தலைவர்களையே இரை கொடுக்கிறதென்றால் எங்கே தவறிருக்கிறது?-நாம் நிற்கும் தளம் எது?

சிந்தியுங்கள்!

அது உங்களுக்குப் பழக்கமில்லையென்றாலும்-இனியாவது சிந்தனை செய்யக் கற்றுக் கொள்ளுங்கள்!!-ஓ,ஒப்பாரும் மிக்காருமற்றத் தானை தலைவன் அனைத்தையும் வெல்வாரா?அப்படியா?,நல்லது!நாளை அவர் எந்த நடாற்றில்...ச்சீசீசீசீ வேண்டாம்!!

தமிழ்ச் செல்வனைக் கொன்றது அநுராதபுரத் தாக்குதலின் மறுவினை.மீள்வினை விளைவுதாம்.இங்கு, எல்லாளனும் துட்டக்கைமுனுவும் விரும்பி வேட்டைக்குச் செல்லும்போது இடையில் சில சலசலப்பு?இதையும்"வரலாற்றுத் துறைப் பொறுப்பாளர்"திடீர் வரவு யோகிதாம் உரைக்கணும்!-இராணுவத்துறைப் பேச்சாளர்தாம் வகுத்து வைக்கணும்!வடிகட்டிய முட்டாள்கள்!ஏன்ரா இன்னும் நம்மைத் தொலைக்கிறீர்கள்?அந்நியத் தயவில் ஆட்சி புரியும் சிங்கள ஆளும் வர்க்கத்தின் கைகளென்ன புடலங்காயா ஆய்கிறது?பேயர்களே,இதுவல்லப் புரட்சி!!-இதுவல்ல விடுதலைக்கான போராட்டம்!நீங்கள் செய்த,செய்யும் போராட்டத்தின் விளைவுகளுக்கு வயது கால் நூற்றாண்டு.இதிலிருந்து கற்றதென்ன?

போராட்டமென்றால் செத்துத்தாம் விடுதலை அடைய முடியுமென்பதா?,அரைவேக்காட்டுக்கள் அள்ளிவைத்துக் கொண்டாடிய அநுராதபுரம் தந்தது இன்னுஞ் சில மரணம்.இனியும் தரும் பல மரணம்.அடிக்கு அடி புரட்சியல்லப் புலிகளே!அது காலத்தால் கனிவது.கண்ணீரைக் குறைப்பது.இங்கே, கண்ணீரையல்லவா விடுதலையென்கிறீர்கள்!

இருக்காதா பின்ன!

ரெலோ இயக்கப் போராளிகளை நர வேட்டையாடிக் குதறியவர்களல்லவா நீங்கள்?உங்கள் இயக்கத்துக்குள்ளேயே களையெடுப்பதாகச் சொல்லி, எத்தனை தமிழ்ப்பாலகர்களைப் போட்டுத் தள்ளினீர்கள்!!இதற்காகவும்,இனியும் எத்தனையோ களையாக...நடக்கட்டும்-நடக்கட்டும்!!சிங்களமும்,இந்தியாவும் நினைப்பதைச் செய்பவர்கள் நீங்கள்.

"ஆனையிறவு,
கட்டுநாயக்கா,
அநுராதபுரம்..."

இத்தகைய கீரோயிசத் தாக்குதல்கள் இயக்கக்கட்டமைப்பையே காலியாக்குமென்பது வரலாறு.இதை அன்றே-கால் நூற்றாண்டின் முன் நாம் கூறினோம்.புலிகளின் இத்தகைய போராட்டத்தைப் புரட்சிகரமான முறையில் திருத்தியமைக்கவும்,பல்லாயிரக்கணக்கான போராளிகளை மக்களோடு இணைத்துப் புரட்சிகரக் கட்சியின் கீழ் போராட்டத்தை நடாத்தவும்,எதிர்காலத்தைத் தகவமைக்கவும் நாம் நாயாக் குரைத்திருக்கிறோம்.இதையெல்லாம் பொருட்படுத்தாத புலிப் பாசிஸ்டுக்கள் தமக்கேயுரிய பாணியில் நம்மை அச்சுறுத்தியும்,கேலி கிண்டல் புரிந்தும்-கொலைதாக்குதல் செய்தும் மறுதலித்தார்கள்.நாம் அப்போதெல்லாம் எமக்குள் நொந்துகொண்டோம்.அப்பாவி மக்களின் தலைவிதியை எண்ணி மனம் வருந்தினோம்.நமக்குள் இத்தகையவொரு அராஜக இயக்கத்தை-புரட்சிக்கு எதிரான இயக்கத்தை வளர்தெடுத்த அந்நிய அரசுகளை அம்பலப்படுத்தினோம்.அவர்களின் தயவில் நம்மையும்,நமது விடுதலையையும் வேட்டையாடிவரும் புலிகளையும் மாற்றுக் குழுக்களையும் அம்பலப்படுத்தினோம்.


இருந்தும் நிகழ்ந்தது என்ன?

போலிப் பிரச்சாரம்,துரோகி சொல்லி எளிமையாக நம்மை முடக்கும்-மக்களிடமிருந்தும் போராட்டத்திலிருந்தும் அந்நியப்படுத்தும் அராஜகம்.இந்த அராஜகத்தினூடாகத் தமிழ் பேசும் மக்களை அந்நியர்களுக்குக் காட்டிக் கொடுப்பதையே தொழிலாகக்கொண்ட புலிகள், இன்று தமது வங்குரோத்து அரசியலால் நம்மையும்,நமது வாழ்வையும் படுபாதாளத்துக்குள் தள்ளி இலங்கை அரசுக்கும்,சிங்கள-இந்திய ஆளும் வர்க்கத்துக்குச் சேவை செய்து வருகிறது.இதில் முரண்படுபவர்களையும், விவாதிப்பவர்களையும் புலிகளே போட்டுத்தள்ளியபோது,அதை நியாயப்படுத்திய தமிழ்ச் செல்வனே இன்று அந்தவகை அரசியலுக்கும்,நட்புக்கும் பலியாகியுள்ளார்.இதைப் புரிந்துகொள்ளும் பக்குவமின்றி நீ கண்ணீர் வடித்து ஆவதென்ன?


உனது கண்ணீர் போலியானது!இருபத்தியொரு கரும்புலியின் மரணத்தில் மகிழ்ந்தவர்கள் நீங்கள்,இன்று, ஐவரின் மரணத்துக்காக ஒப்பாரி வைத்து என்னடா நாடகமாடா செய்கிறீர்கள்?


"தமிழ்ச் செல்வன் சிந்திய இருத்தத்திலிருந்து ஏராளமான இளைஞர்கள் தோன்றுவதாக"ப் பச்சோந்தி-அரசியல் விபச்சாரி நெடுமாறன் கூறலாம்.ஏனெனில், அவன் நக்கிப் பிழைப்பவன்.அன்று தொட்டு இன்றுவரை நிலையற்ற அரசியல் செய்வன்.ஓட்டுக்கட்சிகளோடு கள்ளக்கூட்டு வைத்துப் பிழைப்பு நடாத்தும் பிழைப்பு வாதிகள் பொய் சொல்லலாம்.ஆனால்,நாம் சொல்கிறோம்: "தமிழ்ச் செல்வன் சிந்திய இருத்தத்திலிருந்து ஏராளமான இளைஞர்கள் அல்ல ஈக்களே எழும்!"இதுதாம் நிச்சியம் நிகழும்.

இந்தத் தமிழ்பேசும் மக்களின் நியாயமான போராட்டத்தைக் காட்டிக் கொடுத்த கயவர்கள் புலிகள்.இந்திய அரசின் அரசியல் சாணாக்கியத்தைப் புரியாது நமது மக்களின் புரட்சிகரமான போராட்ட இலக்கையும்,மாற்றுக் குழுக்களையும் வஞ்சனை செய்து அழித்தவர்கள்.யாழ்மாவட்டமெங்கும் அப்பாவிப் போராளி இளைஞர்களைக் கொன்று குவித்து, நரவேட்டையாடிய புலிகள் இந்தியாவின் எதிர்பார்ப்பை நிறைவேற்றியவர்கள்.இவர்களா தமது தளபதிகளின் அழிவுக்காய் முதலைக்கண்ணீர் வடிப்பது?-பட்டங்கள்,பதவிகள்,கௌரவப்படுத்தல்கள்...

"பிரபா-கேடியர்!"

தமிழ்ச் செல்வனைக் காட்டிக் கொடுத்த அரசியலே புலித்தலைமையின் இருப்போடு சம்பந்தப்பட்டது.அதை மூடி மறைத்தொதுக்கிவிட்டுப் புலம் பெயர்ந்த வானொலிகள் என்னதாம் சாவீடு நடாத்தினாலும் மக்கள் விழிப்பாகவே இருக்கிறார்கள்.நமது விடுதலையை வேட்டையாடிய புலிகள் இப்போது தத்தமது இருப்புக்காகத் தமது தளபதிகளையே அந்நியனுக்குக் காட்டிக்கொடுத்துத் தமது இருப்பை நிலைப்படுத்தும் சுய நலமிகளாக இருக்கிறார்கள்.


போராட்டமென்பது சிற்சில முகாங்களின் அழிப்பில் சிதைவுறுமே தவிர அது மக்கள் போராட்டமாவதற்கில்லையென்பதை மீளவும் நிலை நாட்டும் இந்த மரணங்களோடு நாம் மௌனிக்க விரும்பவில்லை.புரட்சிகரமானவொரு கட்சியையும்,அதன் பின்னால் எழிச்சியுற்ற மக்களையும் அணி திரட்டிப் பொது எதிரியை வென்றாக வேண்டும்.அங்கே, சிங்களப் பாசிச அரசுமட்டுமல்ல புலிப் பாசிசத் தலைமையுமே நமது பொது எதிரியாக இருக்கிறார்கள் என்பதை நாம் உணராதவரை இத்தகைய தளபதிகள்-போராளிகள் அழிந்தபடி, நமது விடுதலையை வேட்டையாடும் அந்நிய சக்திகள்.அதற்கு ஆதரவாகப் புலித் தலைமையும் ,அத்தலைமையின் கீழ் அணிதிரண்ட போராளிகளும் அந்நியர்களுக்கு உடந்தையாக இருந்து, நம்மை வேரோடு கருவறுப்பார்கள்.


மீளவும் நினைவுப்படுத்துவோம்: இருபத்தியொரு கரும்புலிகள் செத்து மடிந்தபோது விமானங்களின் அழிவே புலிகளுக்குள் பிரமாதமாக இருந்தது.அது பெருமிதமான ஆய்வுகளையும் அடுத்த கட்ட நகர்வையும் பேசியது.இப்போது, ஐந்து மரணங்கள் அழுகையையும் அதுசார்ந்த ஒப்பாரியையும் தருகிறது, இவர்களுக்கு!!

ஒரே நிகழ்வில் இருவகை-இருவேறு உணர்வுகள்!-போராளிகளுக்கும்,தலைவர்களுக்குமுள்ள இடைவெளிகள் நீண்டபடியே இருக்க,அப்பாவி இளைஞர்கள் இவர்களை நம்பிக் குண்டைக் கட்டி வெடித்துச் சாவதால் கிடைப்பது தமிழ் பேசும் மக்களின் விடுதலையல்ல.இது புரிந்தால்...

"............................."


ப.வி.ஸ்ரீரங்கன்.

02.11.2007