வாழ்க,வாழ்க காதலர்-கள்!

 ஏன், வலைன்டன் மட்டும் ?

வாழ்க,வாழ்க காதலர்-கள்!

வெறி கொண்ட எதிர்-பால் வினை

"காதலர் தினம்" சொல்லி

சந்தையில் நுகரும் ரேபோக்களைத்

தானியங்கி தந்தது அசிமோ.

அசிமோக்கள் காதல்

செய்வதை நீ,அறிவாயோ?-நான் அறியேன்,

என் பராபரமே!

ஏன், வலைன்டன் மட்டும் ?

என்னிடம் கம்பன் மகன்,

"அம்பிகாவதி-அமராவதி"

விழி எதிரே

மையல் நூறு இசைத்துச்

செவியுள் ஒலியாய்... 

அமராவதி நீ,

அவசரக்காரி !,

இதன் பெயர் அறிவாயா அமாராவதி

இதுதாம் "காதல்" !! 

ஆம், காதலர் தினம் , கத்தரிக்காய் !

எக்காலத்திலும்,

காமம் எனுங் கச்சாப் பொருள்

"எதிர்ப்பால்"

காதலெனுஞ் சந்தையில் பொய்யுரைத்து

புணர்வு கேட்கும் .

"காதல்" தந்த மறு படைப்பு அன்று :

உற்பத்தி உறவு,

இன்று : அசிமோ உற்பத்திச் சக்தி

உறவறுத்த

தானியங்கித் தந்தது ஏய்ய்ய்...ஐஐஐஐ !

ரோபோக்கள் தந்த காதல்

பள்ளிக்குப் பொதி சுமக்கும் மந்தைகள்.

மூலதனப் பந்தையத்துள் 

போட்டிக்குத் தயாராகும் 

எந்தக் குதிரை ஓடும் ,

எந்தக் கழுதை பொதி சுமக்கும் ?

தெருக்களில் கரையுங் காக்காய்,

வேம்பு மரத்துக் கிளி,

பனை மரத்து மூன்று குறி அணில் அறியா

ரோபோக்கள் எக் காலத்திலும் பண்டமே .

குயிலின் கூவொலி இரசித்து,

அப்பு சாமி சொல்லிக் கை கூப்பி, வான் பார்த்துக்

காதல் என்று நீயும், நானும்

"கேள்வி-கோரல்" செய்து

கேட்பதும் நாம், சீ...தனந்தானே பண்டாரம் ?

போ,போ !, ஆளைவிடு!

காதலும் ,கத்தரிக்காயும்...

-ப.வி.ஸ்ரீரங்கன்

14.02.2024